ချစ်သူ . . .
ပင်လယ်တစ်ခုကို ကျယ်ပြန့်နက်ရှိူင်းလာဖို့
မြစ်ပေါက်စကလေးတွေ တစ်စုချင်းစီးဖွဲ့ဖြစ်တည်လာကြရင်
ငါဟာ .. မြစ်ဖျားခံရာ ချောင်းငယ်လေးတစ်ခုဖြစ်ပါရစေ
အောင်မြင်ခြင်းဆောင်ဖို့
ပန်းပွင့်ပေါင်းစုံနဲ့အပြိုင်
မြတ်သော သပြေအဖြစ်သာ
ငါ့ကို နိုင်ခွင့်ပေးပါ
ချစ်သူရယ် . . .
တစ်ယောက်ရဲ့ခြေလှမ်းနဲ့ တစ်ယောက်
မိုင်တွေ ဘယ်လောက်ဝေးကွာ
ကိုယ်သာပြေးလာမယ်
တိုး တိတ် ငြိမ် သက်
ကတ္ထီပါနွေးရိပ်မှာ
ချစ်ခြင်းရင်ခွင်တစ်စုံနဲ့သာ
ငါ့ကို စောင့်လင့်နေပေးပါ
ညခင်းနဲ့အမှောင်ခွဲမရသလို
လမင်းနဲ့ကြယ်ရောင်တွဲပြသလို
နှလုံးခုန်သံချင်း နှင်းအပ်
မင်းလက်ကိုဆွဲရင်း ကမ္ဘာ့အပြင်ထွက်ချင်တယ်
ကန္တာရက အိုအေစစ်ကိုလိုအပ်သလိုမျိုး
ငါ့အချစ်တွေ မိုးမြင့်ထက်မှာလွင့်မြူးတော့မှ
ကောင်းကင်တစ်ခွင်လုံး
မင်း . . . အုံမှိုင်းရက်လေတယ်
ကိုးစားခြင်းအထပ်ထပ်နဲ့
မုန်တိုင်းကို အံတုချင်တဲ့ ငှက်မျိုး
ခုတော့ . . .
ငါ အတောင်ကျိုးပြီပေါ့ကွယ်
ရယူခြင်းထက် ပေးအပ်ရတာကို
မြတ်နိုးခဲ့သူ . . .
ရာဇဝင်ထဲက မောင်ဖေငယ်လို လူစား
ငါဟာ ဗလာဟင်းလင်းပြင်ထဲမှာ
အကြွင်းသုညတောင် မရခဲ့ပါလား
(အိပ်မက်ဖြူ)
အစ်
ReplyDelete